Borussia Dortmund tregon të gjithë kufijtë e saj mbrojtës ndaj Augsburgut, por del fitimtare: përfundon 4-3 për verdhezinjtë, të cilët e gjejnë sërish Haller pas problemeve shëndetësore që përjetoi.
Augsburgu humbi Ruben Vargasin dhe rrezikoi shumë në minutën e 17-të, kur Gikieëicz bëri një mrekulli të dyfishtë ndaj Malen dhe Guerreiro, duke devijuar me fytyrë goditjen e dytë. Goli i BVB ishte në ajër dhe mbërriti në minutën e 29-të: Adeyemi kishte një intuitë dhe gjeti Bellingham, me anglezin që mposhti portierin me një goditje të saktë. Dortmundi dominoi dhe dukej se kishte kontroll të plotë, por në minutën e 39-të Augsburg shënoi me gjuajtjen e parë, duke përfituar nga gabimi i Schlotterbeck, finalizuar nga Arne Maier. Kalojnë tre minuta dhe Schlotterbeck bëhet përsëri protagonist duke shënuar për skuadrën e tij, 2-1. Gjithsesi, në fundin e pjesës së parë Demirovic vendos barazpeshën në 2-2.
Dortmundi luan kartonin Haller në pjesën e dytë. Sulmuesi debutoi pas ndalesës për shkak të kancerit me nje mesazh në këpucë("F**k kancer"), pa mundur të ndikojë. Gjithçka ndodh në finale, me Dortmundin që rikthehet falë goditjes së Bynoe-Gittens nga distanca (75') dhe Augsburg që barazoi menjëherë. Një tjetër çmenduri mbrojtëse e Schlotterbeck çon dhe finalizimin e saktë të Čolina (76'), me ish-lojtarin e Hajdukut që shënon me topin e parë të prekur në Bundesligë.
Ende nuk ka mbaruar, pasi në minutën e 78-të Gio Reyna mposht Gikieëicz me një goditje të bujshme për të firmosur 4-3. Finalja është ende piroteknike, me Demirovic që humbi mundësinë për 4-4 dhe Guerreiro humbi golin e pestë. Dridhet por Borussia Dortmund fiton, tani e gjashta me 28 pikë. Augsburgu u ndal në 15 dhe në zonën e rënies.
Ndërkohë, në sfidën tjetër të ditës në Bundesligë, Leverkusen ka arritur të marrë një fitore 3-2 në shtëpinë e M’Gladbach. Vendasit dhanë përshtypje më të mirë në fillim, por në minutën e 21-të Leverkusen kaloi në avantazh: Hložek goditi shtyllën, Bakker përfitoi nga situate e krijuar duke dërguar topin në rrjetë. Në minutën e 43-të mbërriti dhe dyfishimi me firmën e Adli.
Gladbach iu afrua golit në pjesën e dytë, por është vetëm një iluzion, sepse në minutën e 67-të Leverkusën ndëshkon sërish vendasit: një-dy mes Adlit dhe Amirit e sjell këtë të fundit në një goditje të ulët, me të cilën mposht Omlin. Në finale vendasit zgjohen me dopietën e Stindl (82' dhe 92'). Megjithatë, golat e tij nuk e penguan suksesin e katërt radhazi të Leverkusenit, i cili fitoi 3-2, u ngjit në vendin e 9-të me 21 pikë.
