Natë që ia vlen të kujtohet për Paulo Dybala, më në fund protagonist me Argjentinën. 526 ditë pas paraqitjes së tij të fundit me kombëtaren, Joya luajti në ndeshjen kundër Kilit, e vlefshme për kualifikueset e Kupës së Botës 2026: duke hyrë në lojë në minutën e 78-të në vend të McAllister. Menjëherë la gjurmë duke shënuar golin e fundit, atë të 3-0 në minutën e 91-të. Duke pasur parasysh mungesën e Leo Messit për shkak të dëmtimit, sulmuesi i Romës ka veshur fanellën me numrin 10, i lumtur me pritjen e marrë nga fansat.
Dybala nuk kishte luajtur për Albiceleste për rreth një vit e gjysmë. Ndeshja e tij e fundit ishte miqësorja e 29 marsit 2023, kur luajti vetëm 23 minuta. La Joya nuk u thirr për Kupën e Amerikës dhe ka munguar për një kohë të gjatë: ai ishte në stol në humbjen 0-2 kundër Uruguait dhe ishte në skuadrën për turneun e marsit në SHBA-së, por u desh të hiqte dorë. Goli i tij i fundit me Argjentinën daton më shumë se dy vjet më parë, 1 qershori 2022 kundër Italisë në finalen e madhe.
"Një nga arsyet pse refuzova Arabinë ishte sigurisht dëshira për t'u rikthyer në kombëtare - shpjegoi Dybala për TyC Sports pas ndeshjes - ndihem mirë dhe dua të vazhdoj të luftoj dhe të fitoj me Argjentinën dhe me Romën. E di, këtu ka shumë konkurrencë dhe nuk është e lehtë, kur luaj jap 100%”.
