Është koha për të menduar për Botërorin 2022, i cili në pistë do të sjellë të reja revolucionare. Ja disa nga të rejat, por edhe detajet për gomat dhe frenat e kampionatit të ardhshëm, i cili pritet të jetë më i ekuilibruar se kurrë.
SI DO TË JENË MAKINAT E 2022? - Le ti hedhim një sy makinave të sezonit të ardhshëm. Një analizë në bashkëpunim me firmën Brembo, furnizuese e frenave për shumicën e skuadrave të F1. Duke nisur nga gomat, prej 18'', si dhe një koncept aerodinamik i cili do të shoh krahët e përparmë dhe pasmë më të thjeshta.
KRAHËT E PËRPARMË. Objektivi është për të lejuar makinat që ndjekin ta kenë më të lehtë, pa pasur problemin e efektit gjurmë. Për këtë arsye do të shohim krahë të përparmë më të thjeshtë në nivelin aerodinamik
KRAHËT E PASMË. I njëjti koncept vlen edhe për krahët e pasmë, të cilët do të jenë thjeshtëzuar në maksimum në aspektin aerodinamik
NGARKESA AERODINAMIKE MBI PJESËN E POSHTME. Nga do të vijë e gjithë ngarkesa aerodinamike? E thjeshtë, nga pjesa e poshtme e makinës.
DIFERENCA E GOMAVE NDËRMJET 2022 DHE 2021. Me gomat e reja Pirelli prej 18'' janë të shumta diferencat në këtë aspekt nga ajo që pamë deri pak javë më parë, me gomat prej 13''
Me më pak mbështetje anësore, do të kemi goma më të ngurta. Kjo do të sjellë edhe një rishikim të grupit të amortizatorëve të makinës
FRENAT E 2022 NË KRAHASIM ME FRENAT E 2021. Dallohet menjëherë diferenca në diametër, disqe prej 18'' për vitin e ardhshëm kundër disqeve prej 13'' të 2021
Do të jenë frena më të rënda (700 gramë për çdo rrotë), por edhe më të forta.
Nuk na mbetet gjë tjetër vetëm të presim disa javë, me prezantimet e para të makinave, për të kaluar te testet në Barcelonë në fund të shkurtit, mundësia e parë për të kuptuar revolucionin e F1 të 2022-t
