F1: Hamilton, kampion bote për herë të shtatë, barazon Schumacher

Leëis Hamilton është kampion bote në Formula 1 për herë të shtatë në karrierën e tij. Britaniku arriti një fitore të jashtëzakonshme në Grand Prix të Turqisë dhe heq matematikisht çdo shpresë për një rikthim nga Valtteri Bottas, i cili kompromentoi garën e tij tashmë në xhiron e parë. Legjenda e Mercedes, arrin të triumfojë në një garë të çmendur, titulli I shtatë në karrierë, duke barazuar kështu një emër të madh, Michael Schumacher.

Çmimi i Madh i Turqisë kishte rivalitet të madh dhe shumë të papritura, reshjet e shiut kishin një ndikim të madh në ecurinë e kësaj gare. Mund të thuhet se kjo pistë I buzëqeshi Ferrarit, që zuri një vend të tretë me Vettel dhe një vend të katërt me Leclerc.

“Ishte një vit i vështirë për të gjithë, jo vetëm për ne pilotët. Kam arritur të mbaj vetën në këmbë, tani mendoj për sezonin e ardhshëm, dua të qëndroj këtu. Unë kam shumë punë për të bërë këtu dhe nuk ka asnjë kufizim në atë që kjo skuadër dhe unë mund të bëjmë së bashku”. Leëis Hamilton, pas suksesit të arritur, është i hapur që të rinovojë me Mercedes

“Në tërë jetën time nuk mund të kisha ëndërruar kurrë diçka kaq të jashtëzakonshme, të gjitha dukeshin shumë larg. Ne pilotët bëjmë gjithçka që mundemi, por fitimi i shtatë titujve është një numër i paimagjinueshëm. Ndihem sikur po filloj tani, në një nivel fizik jam në formë të shkëlqyer dhe mendërisht gjithashtu. Ne kemi nevojë për të adresuar çështjet e të drejtave të njeriut në vendet që vizitojmë. Unë dua të ndihmoj Formula1 dhe Mercedes gjithashtu drejt një rruge të qëndrueshme për sportin tonë, unë do të doja të kisha një rol në këtë”.