Federata Europiane e Mundjes (UWW) ka nderuar e vlerësuar pas vdekjes ish-presidentin e Federatës Shqiptare të Mundjes, z.Muhamet Malo, me “Çmimin e Mirënjohjes”.
“Me mirënjohje, për pjesëmarrjen dhe suportin për zhvillimin e mundjes në Europë”. Ka qenë ky motivacioni me të cilin është nderuar një prej figurave më të rëndësishme të sportit të mundjes në Shqipëri.
Muhamet Malo, ish-mundës, dashamirës e president i FSHM-së, ka qenë dhe mbetet një nga njerëzit që ka kontribuar më shumë për këtë sport dhe zhvillimin e tij në Shqipëri.
Ky çmim iu dha familjes së z.Malo nga presidenti i FSHM-së, Martin Biba, që ia dorëzoi pllakatën e mirënjohës dy djemve të Muhamet Malos, Hauard dhe Enklajd Malo.