San Siro do të presë finalen e “Champions League” në vitin 2026 ose 2027. Këtë e ka thënë për ‘La Politica nel Pallone’ zëvendëssekretari i UEFA-s, italiani Giorgio Marchetti. "Finalja e Champions League në Milano në vitin 2026 apo 2027? Ka mundësi të mira, në fund të fundit San Siro, pavarësisht se nuk është stadiumi më modern, është një ikonë e futbollit ndërkombëtar, i njohur nga të gjithë sportistët, veçanërisht tifozët e futbollit, - shpjegoi menaxheri - Vendimi përfundimtar duhet të arrijë në fund të majit, Italia është e përfshirë në procesin e aplikimit. Do të shohim se si do të përfundojë”.
Për objektin milanez do të ishte finalja e pestë e Champions League. Kandidatura e San Siros daton në korrik 2023, kur Giuseppe Meazza dhe Puskas Arena në Budapest ishin në listë për finalet e Champions 2026 dhe 2027. Në letër, të dy stadiumet duhet të ndajnë në mënyrë të barabartë aktet përfundimtare të kompeticionit.
