Flamurtari ka fituar të drejtën për të sfiduar Laçin në play-out, për të siguruar një vend në Superiore, pasi ka mposhtur në finalen e play-off-it, Apoloninë pas gjuajtjeve të penalltive.
120 minuta lojë në “Elbasan Arena”, për një 0-0, me vlonjatët që luajtën me një lojtar më pak që nga minuta e 76-të: Frashëri u ndëshkua me kartonin e dytë të verdhë.
Fierakët arritën të gjejnë rrugën e rrjetës në shtesë me anë të Omerit, por që u konsiderua i parregullt për një faull në sulm. Më pas gjithçka iu drejtua gjuajtjeve nga pika e bardhë dhe vlonjatët u treguan më të saktë, duke triumfuar me rezultatin 4-3 dhe duke fituar të drejtën për të sfiduar Laçin në play out.
Një ndeshje që do të vendosë se cila skuadër do të luajë në Superiore në sezonin e ardhshëm.