Flamurtari vazhdon të përforcojë organikën me elementë cilësorë dhe me eksperiencë në elitën e futbollit shqiptar.
Klubi vlonjat ka prezantuar ditën e sotme blerjen më të re: Alessandro Ahmetaj është zyrtarisht një lojtar i Flamurtarit. Mesfushori 25-vjeçar ka qenë pjesë e Egnatias në dy sezonet e fundit, ndërsa më herët ka luajtur në Slloveni dhe Itali.
Ahmetaj është përforcimi i tretë i vlonjatëve në merkaton e janarit, pasi më parë me Flamurtarin ishin bashkuar Telushi dhe Janku.
