Të enjten në orën 13:00 Federata Gjermane e Futbollit do të publikojë listën e emrave të 26 lojtarëve, të cilët do të përfaqësojnë tri herë kampionët e europës në “Euro 2024”.
Kjo ditë nuk do të pritet me shumë kureshtje prej gjashtë futbollistëve, të cilët tashmë e dinë se do të jenë pjesë e këtij eventi.
Siç është vënë re prej ditësh Federata Gjermane e Futbollit ka nisur që të publikojë nërpërmjet rrjeteve sociale apo edhe në edicionin e lajmeve sportive të rrejeteve kombëtare emrat e parë të grumbulluar.
Më të fundit janë Niklas Fyllkryg dhe Kris Fyhrish. Sulmuesi i Borusias së Dortmundit dhe mesfushori i krahut i Shtutgartit pasuan emërimet e djeshme kur Nagelsman lajmëroi grumbullimin e Manuel Nojerit dhe Aleks Pavloviç.
Portierë:
Manuel Neuer
Mbrojtës:
Nico Schlotterbeck, Jonathan Tah
Mesfushorë:
Chris Führich, Aleksandar Pavlovic
Sulmues:
Niclas Füllkrug
