Është një nga ndeshjet derbi më të rëndësishme në botë, përballjet mes Milanit dhe Interit premtojnë gjithmonë spektakël. Mund të mos jetë derbi më i nxehtë apo më i rrezikshmi, por sigurisht që është ndër më të ndjerët. Derbi i Madonninas, derbi milanez, është thjesht sfida mes Interit dhe Milanit.
Një rivalitet që zgjat prej më shumë se një shekulli, ndeshja ndërmjet Milanit dhe Interit luhet praktikisht çdo vit, me përjashtim të sezonit të kuqezinjve në Serinë B. Një ndeshje e balancuar vazhdimisht, për sa i përket rezultateve të përgjithshme, golave të shënuar dhe fitoreve.
Interi dhe Milani kanë garuar në ndeshje zyrtare në 239 raste në kampionat, në kupat e Italisë dhe të Europës. Këtyre duhen shtuar edhe 71 ndeshje jozyrtare, si në garat kombëtare ashtu edhe ato ndërkombëtare.
Kush ka arritur më shumë suksese mes Interit dhe Milanit në ndeshjet zyrtare? Zikaltërit, të cilët kanë fituar 90 nga 238 ndeshje. 79 fitore për kuqezinjtë, ndërsa ndeshja ka përfunduar në barazim 69 herë.
Derbi i sotëm do të jetë përballja e 180 në kampionat mes Milanit dhe Interit. Bilanci anon nga zikaltërit që kanë fituar 69 ndeshje, kuqezinjtë kanë 54 suksese, ndërsa 56 ndeshje kanë përfunduar në barazim.
Ndeshja e fundit zyrtare u luajt më 16 shtator 2023: Interi fitoi 5-1 derbin. Është hera e parë në histori që derbi i Milanos luhet ditën e hënë.
