Është zyrtare: Douglas Luiz është një lojtar i ri i Juventusit. “Juventus Football Club S.p.A. njofton se ka arritur një marrëveshje me Aston Villa Football Club për blerjen përfundimtare të së drejtës për paraqitjet sportive të futbollistit Douglas Luiz Soares de Paulo për një shumë prej 50 milionë eurosh, të pagueshme në katër vite financiare, përveç tarifave shtesë prej 1.5 milionë euro”, thuhet në shënimin e klubit të Juventusit. Mesfushori brazilian i lindur në vitin 1998 ka nënshkruar një kontratë 5-vjeçare deri më 30 qershor 2029.
Douglas Luiz Soares u rrit si futbollist në ekipin e të rinjve të Vasco da Gama, klubi me të cilin bëri debutimin e tij në ekipin e parë në vitin 2016. Ishte Manchester City që e çoi në Evropë, por te Girona, ku qëndroi për dy sezone në huazim, luajti ndeshjet e para evropiane. Në Spanjë ai bëri 46 paraqitje para se të transferohej, më pas dhe përfundimisht, te Aston Villa.
Gjatë kësaj periudhë Douglas Luiz arriti të gjejë vend edhe në kombëtaren braziliane me të cilën bëri debutimin e tij në nëntor 2019. Ai mbërrin te Juventus pas pesë sezonesh të luajtura në Premier League. "Vite që kanë treguar rritje eksponenciale për sa i përket përmirësimeve teknike, taktike dhe fizike dhe përgjegjësisë brenda drejtkëndëshit të gjelbër. Mirë se vjen Douglas, shihemi në fushë!". Në një operacion që nuk ka lidhje me Douglas Luiz, Samuel Iling Jr dhe Enzo Barrenechea do të shkojnë te Aston Villa për një total prej 22 milionë eurosh.