Të mërkurën do të luhen ndeshjet e javës së 26-të të Kategorisë së Parë. Kampionati ka hyrë tashmë në një fazë interesante dhe të gjitha skuadrat luftojnë për të arritur objektivat e tyre.
Një nga ndeshjet më interesante të kësaj jave në Kategorinë e Parë është sfida Apolonia-Flamurtari, që do të transmetohet drejtpërdrejt në RTSH Sport në orën 13:30. Kastrioti-Besa është përballja tjetër që do të transmetohet në RTSH 2 në të njëjtin orar.
Kryesuesit e Vorës do të luajnë në transfertë kundër Korabit, ndërsa Pogradeci do të presë në shtëpi Erzenin e vendit të fundit. Një ndeshje interesante do të luhet në “Roza Haxhiu” ku vendasit e Lushnjës do të masin forcat me Burrelin, ndërsa Kukësi do të ndeshet me Valbonën. Të gjitha takimet do të luhen në orën 13:30.
