Në orën 16:00 u zhvilluan tetë ndeshjet e javës së tretë të Kategorisë së Parë. Në këtë javë spikati takimi mes Besës dhe Korabit, dy skuadrat që pretendojnë për elitën, takimi i zhvilluar në Luz përfundoi me shifrat e barabarta 1-1, ku Tafili në minutën e 7 shënoi për verdhezinjtë, ndërsa Marku 5 minuta nga përfundimi i takimit barazoi ndeshjen.
Ndërkohë që Bylis nuk e pati të vështirë të fitonte në shtëpi ndaj Turbinës me shifrat 4-0 dhe kryeson e vetme në Kategorinë e Parë. Shkumbini bën surprizën e madhe ndaj Erzenit duke triumfuar me shifrat 3-2, humbja e dytë në kampionat për shijakasit që ndërlikojnë pozitat në klasifikim.
Rezultatet e Kategorisë së Parë
SHKUMBINI-ERZENI 3-2
MALIQI-APOLONIA 1-1
TËRBUNI-VORA 1-0
TOMORI-LUSHNJA 2-0
BUTRINTI-BURRELI 1-0
BESA-KORABI 1-1
BESËLIDHJA-POGRADECI 2-2
BYLIS-TURBINA 4-0