Ronald Koeman, trajneri i Barcelonës, u pyet për të ardhmen e tij në konferencën për shtyp të mbajtur në prag të finales së Copa del Rey me Athletic. Këto janë fjalët e tij: "Është e çuditshme të jesh gjithmonë në përgjigje të pyetjeve në lidhje me të ardhmen time. Sa herë që humbas një lojë, ju më pyesni për të ardhmen time. Nuk jam dakord, por do të duhet ta pranoj. Mendoj vetëm të bëj punën time, kam një kontratë dhe për një vit tjetër me skuadrën e Barcelonës dhe për mua është kënaqësi e madhe të jem këtu. E di se çfarë mund të ndodhë nëse fitoj ose nëse humbas”.
Për finale e Copa del Rey me Athletic, Koeman konfirmoi rikthimin shumë të rëndësishëm të Gerard Piqué në qendër të mbrojtësit të Barcelonës: "Piqué është rikuperuar në ekstrem për Clásico me Real Madrid, tani ai është shumë më i mirë dhe këtë javë është stërvitur pa problem. Nesër ai mund të luajë, po".
Trajneri holandez më pas foli, në terma të përgjithshëm, në lidhje me finalen kundër bardhekuqve: "Ne jemi dy skuadra që kemi vuajtur aq shumë për të arritur në këtë finale. Është hera e katërt që përballemi me Athletic në një kohë kaq të shkurtër , ne e dimë se si të sillemi në të dy fazat: me dhe pa top. Le të themi se nuk ka shumë sekrete mes Barcelonës dhe Athletic tani, një lojë shumë e vështirë na pret, por ne duam të fitojmë titullin. Prandaj jemi këtu”.
