Kryeministri i Shqipërisë, Edi Rama ka dhënë një intervistë për mediat italiane, më konkretisht për mikrofonët e Tuttosport, në lidhje me finale e parë europiane që do të luhet në Shqipëri. Të mërkurën e ardhshme, më 25 maj, në “Air Albania do të diskutohet trofeu i Conference League mes italianëve të Romës dhe holandezëve të Feyenoord.
"Ne kemi një nga stadiumet më të bukura në Evropë dhe për ne do të jetë një Super Bowl i vogël. Të shqetësuar për fansat e shumtë? Të shqetësuar jo, por do të jetë një risi absolute për ne. Për sa i përket mikpritjes, ne jemi një vend që do të luftojmë edhe për Champions League”.
Një nga dy finalistët është skuadër italiani, pikërisht Roma: “Jam shumë i lumtur, që në fëmijëri kam bërë tifo për italianët në sport, më pas Roma u bë e veçantë edhe për shkak të José Mourinho”.