Sapo kanë përfunduar ndeshjet e javës së 24-t të Kategorisë së Parë, që kanë dhuruar rezultate shumë interesante.
Luzi ka shkaktuar surprizën e ditës në këtë turne, pasi ka mposhtur me rezultatin 3-1 Bylisin. Pas kësaj disfate ballshiotët detyrohen që ti lëshojnë kreun AF Elbasanit, që ka fituar me goleadë 5-0 në transfertë përballë Besës.
Flamurtari reagon pas humbjes shtëpiake përballë Burrelit, duke fituar në transfertë 2-0 përballë Kastriotit. Zhgënjen Vora, që mundet 2-1 nga Burreli, ndërsa Korabi fiton në shtëpi 2-1 përballë Tomorit.
Nuk ka fitues në derbin e Myzeqesë, pasi Lushnja dhe Apolonia barazojnë 1-1 në “Roza Haxhiu”. Të pafat lagunarët, që humbasin një penallti në minutën e 95-të të takimit.
Kategoria e Parë – Java e 24-t
Korabi-Tomori 2-1
Lushnja-Apolonia 1-1
Kastrioti-Flamurtari 0-2
Burreli-Vora 2-1
Besa-AF Elbasani 0-5
Luzi-Bylis 3-1
