Marc Marquez fiton Çmimin e Madh të Tajlandës në MotoGP. Piloti spanjoll debuton me fitore me Ducatin, në garën e parë të sezonit të ri.
Marc Marquez shkëlqen në Buriram: pasi dominoi garën e Sprintit një ditë më parë, “kanibali” fiton Çmimin e Madh të Tajlandës, etapën e parë sezonale të kampionatit botëror të MotoGP.
Është gjithashtu një ditë historike për MotoGP dhe për familjen Marquez: hera e parë e dy vëllezërve në podiumin e klasit kryesor. Alex Marquez përfundon i dyti me Ducati Gresini, ndërsa Francesco Bagnaia mbyll podiumin tajlandez.
