Edon Zhegrova, Arijanet Muriç dhe Florent Muslija u përjashtuan sot nga grumbullimi me kombëtaren e Kosovës nga FFK dhe komisari teknik Franko Foda.
Në lidhje me këtë situatë ka reaguar para pak çastesh njëri nga të akuzuarit. Bëhet fjalë për portierin Arijanet Muriç, i cili në një prononcim për “Sport Show”, tha: “Mendoj se është vendim egoist i FFK, vijmë këtu të luajmë për vendin. Ne e kemi një ekip të sigurisë që na ndjek 24/7, por janë ata që i publikojnë këto, për të mbuluar keqmenaxhimin e tyre. Nuk duhet ta kemi ne vëmendjen për jetën tonë private, ata po krijojnë probleme si mund të jemi të suksesshëm kur të gjithë mundohen ta fajsojnë njëri tjetrin. Ne shkuam atje për ushqim dhe jo për aheng”.
