Një mbrëmje e çmendur për sulmuesin e Kosovës dhe të Majorkës, Vedat Muriqin, i cili ishte protagonist në të mirë dhe në të keq në sfidën që skuadra e tij barazoi 1-1 në fushën e Elche. Pasi humbi një rast të pastër në fillimin e sfidës, Muriqi kishte mundësinë më të mirë në minutën e 12-të për të shënuar, por gaboi nga pika e penalltisë.
Ndërsa vendasit arritën të kalojnë në avantazh me Ponce në minutën e 15-të si dhe humbën shërbimin e Boye në minutën e 61-të(karton i kuq), sulmuesi i Kosovës arriti të vendosë barazpeshën në minutën e 71-të: këtë herë nuk gabon nga pika e penalltisë.
Gjithsesi, mbrëmja nuk mbaron këtu sepse Muriqi do të ndëshkohet me kartonin e kuq në minutën e 85-të, ndërsa ndeshja u mbyll në barazim 1-1.