Në javën e parafundit të Serisë A, Bologna rrëmbeu një barazim ndaj Napolit dhe qëndroi në garë për vendin e tetë së bashku me Torinon, Fiorentinën dhe Monzën. Në Dall'Ara përfundoi 2-2 në fund të një loje të dyanshme. Osimhen përfiton nga një gabim në vendosje të Skorupskit për të zhbllokuar ndeshjen, më pas dyfishoi rezultatin me një goditje të bukur diagonale. Një dopietë, që megjithatë nuk i mjafton kampionëve të Italisë për të fituar tri pikët.
Në të vërtetë, në pjesën e dytë vendasit reaguan, duke rritur ritmin dhe duke barazuar rezultatin falë golave të Ferguson dhe De Silvestri. Me këtë rezultat Napoli mund të arrijë maksimumin e 90 pikëve, duke i lënë rekordin absolut (91 pikë) skuadrës së sezonit 2017/18 të drejtuar nga Maurizio Sarri.
