Partizani dhe Teuta gjobiten përsëri

Janë gjobitur edhe më parë për të njëjtën arsye, por duket se Partizani dhe Teuta nuk tërhiqen nga qëndrimi i tyre stoik dhe mosaprovues për sponsorin e ri të Kategorisë Superiore, Abissnet Superiore.

Edhe në javën e 5-të të kampionatit të dy klubet refuzuan të mbajnë në fanellë logon me emrin e sponsorit duke u paraqitur me logon e vjetër, Kategoria Superiore.

Kështu Komisioni u Disiplinës i ka gjobitur përsëri me nga 50 mijë lekë të reja të dy klubet për mosrespektim të rregullores futbollistike duke mos vendosur stemën e Abissnet Superiore në mëngën e djathtë të fanellës së lojës.

Në fakt, Teuta është ndëshkuar me gjobë 50 mijë lekë të reja edhe për sjellje të gabuar të tifozëve në ndeshjen kundër Tiranës të luajtur në “Elbasan Arena”.

Gjobat nuk kanë fund në vendimet voluminoze për javën që lam pas në të gjitha kategoritë e futbollit në vend, Butrinti, Besa dhe Lushnja ndëshkohen me masën administrative gjobë 50 mijë lekë të reja për sjellje të gabuar të spektaktorëve, ndërsa nuk mungojnë edhe pezulimet për lojtarë e trajnerë të përfshirë në episode jo sportive, me nga 2 deri ne 4 ndeshje.

VENDIMET:

1. KF Tirana, për sjellje të gabuar të spektatorëve, në bazë të neneve 65/2 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
2. KF Teuta, për sjellje të gabuar të spektatorëve, në bazë të neneve 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
3. KF Teuta, për mosrespektim të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS dënohet me gjobë në masën 50.000 (pesëdhjetë mijë) lekë.
4. FK Partizani, për mosrespektim të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS dënohet me gjobë në masën 50.000 (pesëdhjetë mijë) lekë.
5. Zyrtari i KF Shkumbini, Mikel Kosta, për protestë ndaj vendimeve të zyrtarit të ndeshjes, me gjeste dhe fjalëofenduese, në bazë të nenit 55/1 të KDS, dënohet me 2 (dy) ndeshje pezullim nga aktiviteti.
6. KF Butrinti, për sjellje të gabuar të spektatorëve, në bazë të neneve 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë. Në zbatim të nenit 116/1/a të KDS, gjoba të aplikohet në masën 50%.
7. FC Besa, për sjellje të gabuar të spektatorëve, në bazë të neneve 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë. Në zbatim të nenit 116/1/a të KDS, gjoba të aplikohet në masën 50%.
8. FC Lushnja, për sjellje të gabuar të spektatorëve, në bazë të neneve 65/2 dhe 65/3/c të KDS, dënohet me gjobë në masën 50.000 (pesëdhjetë mijë) lekë. Në zbatim të nenit 116/1/a të KDS, gjoba të aplikohet në masën 50%.
9. Zyrtari i FC Besa, Taulant Guma, për provokim të publikut, në bazë të nenit 52 të KDS, dënohet me 2 (dy) ndeshje pezullim nga aktiviteti.
10. Zyrtari i Labëria FC, Zoi Meço, për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.
11. Lojtari i F.C Bulqiza, Sildi Lika, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
12. Zyrtari i FK Elbasani, Bedri Çela, për protestë ndaj vendimeve të zyrtarit të ndeshjes, me gjeste dhe fjalëofenduese, në bazë të nenit 55/1 të KDS, dënohet me 2 (dy) ndeshje pezullim nga aktiviteti.
13. FK Memaliaj, për dështim në përmbushjen e detyrimeve dhe përgjegjësive, si dhe sjelljes së gabuar të spektatorëve, në bazë të neneve 64 dhe 65/1 të KDS, dënohet me gjobë në masën 100.000 (njëqind mijë) lekë. Në zbatim të nenit 116/1/b të KDS, gjoba të aplikohet në masën 20%.
14. Lojtari i FK Memaliaj, Fadil Spahiu, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
15. Lojtari i SHS Albpetrol, Marlin Aliaj, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
16. Zyrtari i FK Memaliaj, Altin Zhupa, për sjellje josportive ndaj kundërshtarit, në bazë të nenit 47/2/a të KDS, dënohet me 3 (tre) ndeshje pezullim nga aktiviteti.
17. Lojtari i FC Djelmnia Shkodrane 2017 U-17, Ledion Vitaj, për sulm ndaj kundërshtarëve, në bazë të nenit 47/1/e të KDS, dënohet me 10 (dhjetë) ndeshje pezullim nga aktiviteti.
18. Lojtari i KF FC Djelmnia Shkodrane 2017 U-17, Ermal Docaj, për përfshirje në grindje, në bazë të nenit 49/1 të KDS, dënohet me 6 (gjashtë) ndeshje pezullim nga aktiviteti.
19. Lojtari i KF FC Djelmnia Shkodrane 2017 U-17, Demetrio Gjerga, për përfshirje në grindje, në bazë të nenit 49/1 të KDS, dënohet me 6 (gjashtë) ndeshje pezullim nga aktiviteti.
20. Lojtari i KF Vllaznia U-17, Eskid Lumci, për sulm ndaj kundërshtarit, në bazë të nenit 47/1/e të KDS, dënohet me 10 (dhjetë) ndeshje pezullim nga aktiviteti.
21. Lojtari i KF Vllaznia U-17, Aron Jukaj, për përfshirje në grindje, në bazë të nenit 49/1 të KDS, dënohet me 6 (gjashtë) ndeshje pezullim nga aktiviteti.
22. FC Besa U-19, për dështim në organizimin e ndeshjes dhe sjellje të gabuar të spektatorëve, në bazë të neneve 65/1/ dhe 65/4/b të KDS, dënohet me 4 (katër) ndeshje pa spektatorë.
23. Lojtari i FC Besa U-19, Islam Deliu, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
24. Zyrtari i FC Internacional Tirana U-13, Erim Shehaj, për protestë ndaj vendimeve të zyrtarit të ndeshjes, me gjeste dhe fjalë ofenduese, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
25. Lojtari i FC Internacional Tirana U-13, Denis Sinani, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
26. Lojtari i KF Tirana U-13, Rejan Lika, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
27. Lojtari i Akademia e Futbollit U-15, Oresti Rifa, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
28. FC Internacional Tirana U-15, për sjellje të gabuar të spektatorëve, në bazë të nenit 65/1 të KDS, dënohet me gjobë në masën 50.000 (pesëdhjetë mijë) lekë. Në zbatim të nenit 116/1/3 të KDS, gjoba të aplikohet në masën 3%.
29. Zyrtari i KF Vllaznia U-15, Brikeno Bizi, për provokim të publikut, në bazë të nenit 52 të KDS, dënohet me 2 (dy) ndeshje pezullim nga aktiviteti.
30. Pranimin e kërkesës së zyrtarit të KF Pogradeci, Ardian Abazaj, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, zyrtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.
31. Rrëzimin e kërkesës së FK Apolonia U-15, në lidhje me lojtarin Leonel Kamenica, si të pabazuar në Kodin e Disiplinës Sportive.
32. Rrëzimin e kërkesës së FK Apolonia U-15, në lidhje me lojtarin Asian Beqiraj, si të pabazuar në Kodin e Disiplinës Sportive.