Partizani ka arritur të mposhtë Shkëndijën me rezultatin 2-1 në miqësoren e zhvilluar në Pogradec. Një fitore me përmbysje për të kuqtë, të cilët iu përgjigjën golit të Krasniqit me Rrapajn dhe Kekon.
Skuadra tetovare arriti të zhbllokojë sfidën që në minutën e 2-të me anë të Endrit Krasniqit, i cili mposhti Qirkon nga një goditje dënimi.
Barazpesha u vendos në minutën e 30-të kur Rrapaj lëshoi një goditje të zgjuar me të djathtën duke mos i lënë asnjë mundësi portierit të Shkëndijës.
Goli i fitores u shënua në pjesën e dytë, pikërisht në minutën e 74-ët nga sulmuesi Keko.