Pas konsultimit në Lyon nga profesori Bertrand Sonnery-Cottet, Paul Pogba - në marrëveshje me Juventus - ka vendosur: nuk do të bëjë një operacion në gju.
Mesfushori, i cili u kthye për të veshur fanellën bardhezi në verë nga Manchester United, ka vendosur të ndjekë një terapi konservatore. Kjo do të thotë se Massimiliano Allegri mund ta ketë në dispozicion brenda 5 javëve të ardhshme. Alternativa do të ishte zgjedhja e ndërhyrjes vendimtare pas dëmtimit të meniskut, por me rrezikun e ndalimit për katër muaj ose më shumë, duke anashkaluar sigurisht Kupën e Botës në Katar në nëntor.
Në fakt, “Oktapodi” ka vendosur të marrë një tjetër rrezik, atë të mos rikuperimit të plotë. Në këtë kuptim, francezët do të kishin refuzuar gjithashtu meniskektominë, ose heqjen e pjesës së dëmtuar të meniskut, që do të përfshinte një periudhë rikuperimi nga 40 deri në 60 ditë, por që mund të krijonte probleme në planin afatgjatë. Pogba, pas një konsultimi 4 orësh në Lyon, është rikthyer në Torino pasdite i shoqëruar nga Luca Stefanini, kreu i stafit mjekësor të Juventusit.
