Fitore me shije të hidhur për Real Madrid, i cili në rikuperimin e javës së 17-të të La Liga mund Valencia dhe rikthehet në -5 nga kryesuesi Barça. Golat u shënuan nga Asensio dhe Vinicius. Për të prishur natën madrilène janë dëmtimet muskulore që pësuan Militao dhe Benzema, të cilët rrezikojnë të mbeten jashtë për pak kohë që kalendari po bëhet më i ngarkuar në të gjitha garat. Gjithsesi, momentalisht kanë rikthyer edhe njëherë në 5 pikë largësinë nga vendi i parë që mbahet nga Barcelona.
Alaba, Lucas Vazquez dhe Mendy janë ende të padisponueshëm, Ancelotti i matur fillimisht mban Carvajal dhe Tchouameni në pankinë, duke i rikuperuar nga problemet fizike. Camavinga u konfirmua si mbrojtës i majtë, ndërsa Ceballos ishte në mesfushë me Modric dhe Kroos. I takon Asensio-s për të kompletuar treshen sulmuese me Benzema dhe Vinicius. Pasardhësi i Gattusos, Voro, në përvojën e tij të 8-të si trajner i urgjencës së Valencias, pas vetëm tre seancave stërvitore me ekipin, vendosi për një 4-4-2, me Musah që mbështeste Cavanin.
