Ylber Ramadani ka luajtur për 90 minuta në sfidën e javës së 30-të të Serisë A, atë mes Leçes dhe Romës e cila u mbyll në barazim 0-0.
Mesfushori kuqezi, shtylla kurrizore e skuadrës salentine, mori një karton të verdhë në minutën e 81-të të ndeshjes, për një ndërhyrje të parregullt ndaj El Shaarawy. Një verdhë e rëndë, sepse sjell skualifikim për ndeshjen e radhës.
Mungesën e komplikon faktin se ndeshja e radhës e Leçes në kampionat nuk është si çdo ndeshje tjetër. Skuadra e Gottit në fakt do të përballet me Milanin e Stefano Piolit.
