Një mbrëmje “alternative” për Cristiano Ronaldon që ndoqi ndeshjen e boksit mes Tommy Fury dhe Jake Paul (të fituar nga i pari), të zhvilluar në Diriyah Arena në Arabinë Saudite. Padyshim që vëmendja e mediave dhe fotografëve në pjesën më të madhe të eventit shkoi te kampioni portugez, i cili i shoqëruar nga djali i tij u ul në një ambjent privat për të parë më mirë përballjen mes dy boksierëve.
Në këtë event ishte edhe Mike Tyson, i cili takoi Cristiano Ronaldon për të bërë një foto rituale. Të dy janë përshëndetur me entuziazëm, duke treguar një harmoni të madhe. Pamjet bënë xhiron e internetit dhe i lumturuan fansat e dy sportistëve, pika reale referimi, respektivisht, për futbollin dhe boksin.