Mbyllet në barazim pa gola 0-0 sfida mes Vllaznisë dhe Elbasanit, që u transmetua drejtpërdrejt në RTSH Sport. Në “Elbasan Arena” është zhvilluar një ndeshje e bukur dhe e luftuar, por në fund dy skuadrat janë detyruar që të ndajnë nga një pikë.
Shkodranët kanë qenë të pafat, pasi janë ndalur nga shtylla (dhe traversa) në 4 raste, por edhe verdheblutë kanë pasur shanset e tyre për shënim, madje Qarri ka bërë heroi, duke i mohuar golin në dy raste të njëpasnjëshme Hilës.
Mbyllet pa gola dhe pa fitues një sfidë e bukur dhe e luftuar. Vllaznia zbret në vendin e dytë ( i lëshon vendin e parë Partizanit), ndërsa Elbasani del jashtë zonës “Final 4” (aktualisht qëndron në vendin e 5-të në kuotën e 13 pikëve.
