Do të luhet e ndarë në tre ditë java e 19-të e kampionatit “Abissnet Superiore”, duke nisur të premten me sfidat Skënderbeu – AF Elbasani dhe Partizani – Vllaznia e do të mbyllet të dielën me ndeshjen Teuta – Bylis.
Takimi Skënderbeu – AF Elbasani do të jetë sfida hapëse e kësaj jave, që do të luhet nesër në Korçë në ora 16:30. Ndeshja Partizani – Vllaznia do të luhet në stadiumin “Arena e Demave” në ora 19:00.
Sakaq, të shtunën janë programuar dy ndeshjet e tjera. Laçi do të presë Tiranën në shtëpi, me ndeshjen që do të luhet në ora 13:30. Sfida tjetër mes Dinamo City – Egnatia do të zhvillohet në ora 16:30.
Sfida përmbyllëse e javës është ajo mes Teuta – Bylis, që do të luhet në “Niko Dovana” në ora 16:30.
Java e 19-të është e fundit për vitin 2024, teksa kampionati do të rikthehet sërish në janar të vitit 2025. Sfida e fundit e vitit do të jetë ndeshja e vlefshme për Superkupën e Shqipërisë, Egnatia – Kukësi që do të luhet më 26 dhjetor, ora 19:00 në stadiumin“Arena Kombëtare”.
Java e 19-të e kampionatit Abissnet Superiore:
Skënderbeu – Elbasani, 20 dhjetor, ora 16:30
Partizani – Vllaznia, 20 dhjetor, ora 19:00
Laçi – Tirana, 21 dhjetor, ora 13:30
Dinamo City – Egnatia, 21 dhjetor, ora 16:30
Teuta – Bylis, 22 dhjetor, ora 16:30
