Të enjten, më 26 dhjetor, në stadiumin “Arena Kombëtare” luhet finalja e Superkupës së Shqipërisë, Egnatia-Kukësi, takim që do të transmetohet drejtpërdrejt në RTSH.
Një ndeshje interesante që do të mbyllë vitin 2024 për futbollin shqiptar. Egnatia vjen në këtë sfidë si ekipi kampion i Shqipërisë dhe fituesi i Kupës, ndërsa Kukësi si finalisti i Kupës së Shqipërisë.
Të dy ekipet më parë janë përballur 23 herë në histori. Egnatia numëron 11 fitore, ndërsa Kukësi ka triumfuar 10 herë ndaj rrogozhinasve. Vetëm dy ndeshje janë ndarë në barazim. Për sa i përket golavarazhit, Egnatia ka shënuar 25 gola, ndërsa Kukësi 24.
Egnatia më parë nuk e ka fituar asnjëherë trofeun e Superkupës, ndërsa Kukësi ia ka dalë mbanë në vetëm një rast, në vitin 2016.
Biletat për finalen e Superkupës së Shqipërisë vazhdojnë të jenë në shitje dhe mund të blihen online në ebileta.al në këtë link: Biletat e ndeshjes: Egnatia – Kukësi
