Teuta ka arritur të marrë tri pikë të arta në transfertën e vështirë në Laç, në ndeshjen e vlefshme për javën e 7-të të “Abissnet Superiore” dhe që erdhi për shikuesit në ekranin e RTSH Sport. Gjithçka është vendosur në minutën e 40-të të sfidës nga një gol i shënuar nga Beqja pas një rrëmuje në zonën kurbinase.
Përpjekje dëshpëruese të skuadrës së Laçit për të rikthyer situatën në favorin e saj, por pa sukses përballë një Teute që ka arritur të administrojë mirë situatën dhe të rrëmbejë fitoren.
Bardhezinjtë mbeten në vendin e fundit në klasifikim në kuotën e 3 pikëve, durrsakët ngjiten në vendin e katërt momentalisht në kuotën e 10 pikëve.
