Goli i Southampton në shtesë ngriu Conte dhe Tottenham, të cilët u kthyen në 3-3 pasi kaluan më parë 3-1 dhe u futën në kaos. Trajnerit të Spurs, i katërti në renditje, por me dy ndeshje më shumë se konkurrentët për një garë evropiane, nuk i pëlqeu qëndrimi i skuadrës dhe shpërtheu në konferencën pas ndeshjes, duke sulmuar klubin dhe lojtarët në një shfaqje absolute.
"Këtu është gjithmonë njësoj, çdo sezon. Nuk ka rëndësi se kush është trajneri. Nëse duan të vazhdojnë në këtë rrugë, mund të ndryshojnë trajnerë, shumë trajnerë, por situata nuk do të ndryshojë. Më besoni. Unë shoh egoistë. Lojtarë, lojtarë që nuk duan të ndihmojnë njëri-tjetrin dhe nuk e vënë zemrën për këtë. Deri tani jam përpjekur ta fsheh situatën, jo më. Tifozët paguajnë biletën për të na parë dhe kjo paraqitje është e papranueshme. Duhet zjarr në sytë e tyre”, këto janë fjalët e ashpra të Conte.
