Tragjedi në futbollin e Indonezisë. Gjatë ndeshjes miqësore mes 2 FLO FC Bandung dhe FBI Subang, rrufeja goditi Septian Raharja, lojtar i ekipit mik. Indoneziani u rrëzua në tokë, bashkëlojtarët e tij dhe stafi mjekësor ndërhynë menjëherë por fatkeqësisht nuk mund të bëhej asgjë.
Episodi daton pasditen e së shtunës 10 shkurt në stadiumin Siliëangi në Bandung. Rrufeja e goditi drejtpërdrejt në gjoks, aq sa në atë moment iu gjet një plagë e thellë në trup. Këpucët u gjetën të djegura. Futbollisti është transportuar menjëherë në spital, ku ka ndërruar jetë pas disa minutash. Klubi i tij, FBI Subang, i dërgoi një deklaratë ngushëllimi familjes dhe tha se ata do të hapin një hetim për të verifikuar se nuk kishte të meta në sistem.
