Enea Jorgji rikthehet të drejtojë një ndeshje në arenën ndërkombëtare. Arbitri shqiptar është caktuar për të vendosur drejtësi në sfidën statistikore të Konyasporit mes Turqisë dhe Italisë, dy skuadrat e eleminuara nga play off i Kupës së Botës 2022. Kjo është një nga ndeshjet më të rëndësishme në karrierën e Jorgjit, pavarësisht faktit që dy skuadrat tashmë janë jashtë botërorit.
Ndihmësit e Jorgjit do të jenë Dojando Myftari dhe Ilir Tartaraj. Arbitri i katërt i ndeshjes do të jetë Juxhin Xhaja. 37-vjeçari shqiptar, prej vitesh përfaqësues i arbitrimit shqiptar në arenën ndërkombëtare, ka vendosur drejtësi në nivel kombëtaresh që prej vitit 2013 ndërsa disa nga përballjet më të rëndësishme në CV-në tij janë; San Marino-Irlandë e Veriut, Armeni-Islandë, Ishujt Faroe-Spanjë dhe Hungari-Estoni.
Në kampionatin shqiptar Jorgji është një nga arbitrat më të aktivizuar. Sfida e fundit që ka ka drejtuar është ajo e luajtur në 12 mars mes Vllaznisë dhe Tiranës në stadiumin “Loro Boriçi”. Që prej vitit 2012 ai është arbitër me stemën e FIFA-s, ndërsa në vitin 2015 u ngjit nga grupi i tretë në grupin e dytë të arbitrave kryesorë.
