Provat zyrtare të vlefshme për Çmimin e Madh të Spanjës, gara e 7-të e botërorit të Formula 1 për vitin 2023, nuk kanë patur asnjë surprizë përsa i përket pilotëve të pozicionuar në vendet e para. I padiskutueshëm ka qenë polepozition i arritur nga Max Verstapen me kohën një minutë, 12 sekonda dhe 272 të mijëtat. Ky është poleposition i 24 i arritur nga holandezi në karrierën e tij në F1 dhe i dyti radhazi në Montmelo. Bashkë me Verstapen, në rreshtin e parë të nisjes do të jetë Ferrari i Carlos Sainz i cili është vetëm 462 të mijëtat më i ngadaltë se holandezi.
Rreshti i dytë përbëhet nga Lando Norris me McLaren dhe për Pierre Gasly me Alpine. Në vendin e pestë dhe të gjashtë ndodhen Leëis Hamilton dhe Lance Stroll, i cili për një herë ecën më mirë se Fernando Alonso, që pozicionohet në vendin e nëntë. Kualifikimi katastrofik për Ferrarin e Charles Leclerc, sipas të cilit ai ka patur në dispocizion një SF-23 krejtësisht të çekuilibruar në krahasim me paraqitjen e bërë në provat e lira të paradites së të shtunës. Piloti nga Monako eliminohet që në sesionin e tretë të provave zyrtare dhe të dielën në garë do të niset nga rreshti i fundit, në vendin e 19-të.
Një seancë makthi për pilotin e Ferrarit, me probleme në kontrollin e njëvendëshes së tij që në fillim. Megjithë përpjekjet e dëshpëruara të drejtuesve të skuadrës së kuqe, teksa i ndërruan edhe gomat Ferrarit të Leclercut, ai nuk ishte në gjendje të jepte kohën e duhur për të arritur kualifikimin në sesionin e dytë të provave. Së bashku me pilotin nga Monako, të eliminuar në sesionin e parë të provave zyrtare të Çmimit të madh të Spanjës, ishin edhe Bottas, Magnussen, Albon dhe Sargeant.
PROVAR ZYRTARE
Rreshti i parë
- Max Verstappen (Red Bull)
- Carlos Sainz (Ferrari)
Rreshti i dytë
- Lando Norris (McLaren)
- Pierre Gasly (Alpine)
Rreshti i tretë
- Lewis Hamilton (Mercedes)
- Lance Stroll (Aston Martin)
Rreshti i katërt
- Esteban Ocon (Alpine)
- Nico Hulkenberg (Haas)
Rreshti i pestë
- Fernando Alonso (Alpine)
- Oscar Piastri (McLaren)
Rreshti i gjashtë
- Sergio Perez (Red Bull)
- George Russell (Mercedes)
Rreshti i shtatë
- Zhou Guanyu (Alfa Romeo)
- Nyck De Vries (AlphaTauri)
Rreshti i tetë
- Yuki Tsunoda (AlphaTauri)
16.Valtteri Bottas (Alfa Romeo)
Rreshti i nëntë
- Kevin Magnussen (Haas)
- Alexander Albon (Williams)
Rreshti i dhjetë
- Charles Leclerc (Ferrari)
- Logan Sargeant (Williams)
