Novak Xhokoviç është shpallur kampion i ATP Finals 2023. Serbi ka mundur në dy sete vetëm pak çaste më parë Janik Siner. Xhokerit i ka mjaftuar një orë e 43 minuta lojë për të mundur italian me shifrat 6-3, 6-3.
Ky rrezultat nuk ka zhvlerësuar javën magjike të Sinerit, i cili është tenisti i parë italian që luan finalen e madhe ATP në 54 vite të historisë së kompeticionit.
Sa i përket tenistit serb rekordet nuk kanë të mbaruar. Ai kaloi Rozher Federerin duke fituar titullin e shtatë ATP Finals. Ndërsa me moshën 36 vjeç e 181 ditë ai bëhet fituesi më i vjetër i kompeticionit.