Xavi, trajneri i Barcelonës, analizoi humbjen 4-1 kundër Paris Saint-Germain që rezultoi në eliminimin e tyre nga Champions League. "Është turp që një sezon shkatërrohet për shkak të një vendimi të gabuar të arbitrit. Njëmbëdhjetë kundër dhjetëve u mbrojtëm mirë, njëmbëdhjetë kundër njëmbëdhjetë do të kishte qenë ndryshe”.
Por zemërimi i Xavit shoqërohet edhe me zhgënjimin e tifozëve Blaugrana ndaj trajnerit, i cili pas kartonit të kuq ndaj Araujos, largoi Yamal nga fusha për të futur Inigo Martinezin: vendim që ngjalli shumë dyshime. Por ai nuk pendohet: "Jo, keqardhja ime është vetëm për eliminimin që erdhi për shkak të një gabimi të arbitrit, që na pengoi të luanim 11 kundër 11. Ishte një fatkeqësi. Në barazi numerike, në të dyja, në Paris dhe këtu, ne e kemi kontrolluar gjithmonë ndeshjen”.
