Kush ka guximin të festojë në stilin alla Ronaldo përballë Cristiano Ronaldos? Bukari i Ganës e bëri këtë. Sulmuesi shënoi me kokë golin e 3-2 i cili shkurtoi distancën me Portugalinë dhe riktheu shpresën në minutat e fundit te kombëtarja e Ganës, më pas festoi me bashkëlojtarët e tjerë duke u gëzuar me “Siuu” tipike të CR7, i cili në atë moment ishte i ulur në stol.
Portugezi pa gjithçka dhe reagoi me një gjest bezdije, duke ngritur krahun dhe duke vështruar në drejtim të fushës, kushedi nëse për frustrimin e golit të pësuar apo për imitimin e markës së tij.
