Në ndeshjen e dytë të fazës së 16-shes të Ligës së Konferencës, Fiorentina mposhti 4-1 Sivassporin dhe kaloi në çerekfinale. Turqit kaluan në epërsi falë kryeveprës së Erdogan në minutën e 35-të, por u barazuan në fund të pjesës së parë nga prekja e Cabral (44’). Në pjesën e dytë Milenkoviç (62') e përmbys ndeshjen, e mbyllur në minutën e 78-të me autogolin e Goutas. Në finale ka hapësirë edhe për realizimin e Castrovillit, i cili mbylli llogaritë në minutën e 89-të.
Lazio e Sarrit është jashtë Ligës së Konferencës. Në ndeshjen e dytë të raundit të 16-të, bardhekaltërit përsëritën rezultatin e ndeshjes së parë kundër Az Alkmaar: holandezët fituan 2-1 (4-2 në total). Avantazhi i bardhekaltërve me Felipe Anderson në minutën e 21-të, u barazua pas shtatë minutash nga predha e Karlsson. Në pjesën e dytë, të besuarit e Jansen përmbysën me golin e Pavlidis në minutën e 62-të sërish me një asistim të Karlssonit.
E ka pësuar dhe Villarreal, që është mposhtur në shtëpi nga Anderlecht 1-0, ndërkohë që ndeshja e parë është mbyllur në barazim 1-1. Slimani në minutën e 73-të firmosi dhe biletën e çerekfinales për belgët, njëkohësisht eliminimin e spanjollëve.
