Robert Lewandowski i është bashkuar Cristiano Ronaldos dhe Lionel Messit në klubin e lojtarëve në historinë e Champions League që kanë shënuar 100 ose më shumë gola.
Penalltia e konvertuar nga polaku në minutat e para hapi suksesin 3-0 të Barcelonës kundër Brestit, të pamposhtur më parë, duke i çuar spanjollët në vendin e dytë në formatin e ri me një grup.
Sulmuesi shënoi golin numër 101 në kohën shtesë të pjesës së dytë. Shënoi edhe Dani Olmo. Cristiano Ronaldo kryeson listën e golashënuesve të të gjitha kohërave me 140 gola, i ndjekur nga Messi me 129.
“Është një numër i mirë”, tha Lewandowski, “në të kaluarën nuk mendoja se mund të shënoja më shumë se 100 gola në Champions League. Jam në shoqëri të mirë me Cristianon dhe Messin”.
