Italia, pasi nuk arriti të kualifikohej në Kupën e Botës Katar 2022 përmes fazës së grupeve, do të rikthehet në fushë në mars për të tentuar të rrëmbejë biletwn për Kampionatin Botëror. Në gjysmëfinale do të përballet me Maqedoninë e Veriut në Palermo (24 mars), më pas në rast fitoreje do të sfidojë fituesen e çiftit Portugali-Turqi (29 mars).
Roberto Mancini, me rastin e festave të Krishtlindjeve që po afrohen, e shfrytëzoi këtë për një vizitë në departamentin e neuropsikiatrisë pediatrike të pavijonit pediatrik të spitalit Sant'Orsola në Bolonja: "Fëmijët me siguri do të jenë tifozë të skuadrave të ndryshme, unë. shpresoj të sjell një moment lumturie, në një situatë mjaft të vështirë”, komenton trajneri.
I pyetur për ndeshjet e play-off-it për kualifikimin e kombëtares për Botërorin 2022 në Katar, u përgjigj si vijon: “Nga këtu deri në mars ka ende kohë dhe shpresojmë që të mund të bëjmë një dhuratë për të gjithë italianët dhe fëmijët që vuajnë më shumë në këtë kohë”.
