Newcastle mundi Arsenalin, sukses që kënaqi si Chelsea ashtu edhe Tottenham. Blutë, edhe pse kanë një ndeshje për të rikuperuar, kanë sigurinë matematikisht zonën Champions për sezonin e ardhshëm. Nga ana tjetër Spurs e shohin këtë objektiv shumë afër: me konfirmimin e vendit të katërt sonte (dhe +2 ndaj Topçinjve), në fakt do të mjaftojë në javën e fundit edhe një barazim në fushën e Norwicht, për të luajtur në Champions League në sezonin e ardhshëm.
Në sfidën e luajtur në St. James’ Park, pas një pjese të parë pa gola, vendasit arritën të gjejnë avantazhin në minutën e 56-të, autogol i White, një shpërblim për lojën e mirë të zhvilluar në pjesën e parë. Arsenali mori goditjen përfundimtare pesë minuta para fundit të takimit. Një gjuajtje e Bruno Guimaraes dhe 2-0 në favor të Newcastle. Antonio Conte fërkon duart: pasditja e vonë e së dielës, 22 maj, do të vendosë kuptimin e një sezoni të tërë.
