Shkëndija, Struga dhe Shkupi, vazhdon gara e ndezur për titull në Maqedoninë e Veriut. Në javën e 30-të në elitën e futbollit maqedonas, ishte Shkëndija që përfitoi më shumë, me atë fitore 3-2 me Brera Strumicën, duke marrë vendin e parë në klasifikim me 58 pikë, po aq kanë dhe Shkupi e Struga.
Skuadra e Shkupit, në ndeshjen e dytë nën drejtimin e Ernest Gjokës, u mund në transfertë nga Gostivari me rezultatin 2-0. Humbje dhe për Strugën e Shpëtim Duros, 3-2 në transfertë me Tikvesh.
