Java e 17-të e kampionatit “Abissnet Superiore” për vajza uli siparin me takimin e fundit, Kinostudio – Tirana. Vajzat bardheblu triumfuan në këtë ndeshje me rezultatin 4-0.
Supersfida e javës së 17-të, Apolonia – Vllaznia që u zhvillua në stadiumin “Loni Papuçiu” përfundoi në barazim pa gola 0-0.
Partizani regjistroi fitoren e radhës, këtë herë në transfertë ndaj Laçit. Vajzat e kuqe dominuan takimin dhe triumfuan me rezultatin e thellë 10-0.
Skënderbeu mori një fitore të rëndësishme pasi fitoi në Durrës ndaj Teutës me rezultatin 3-2.
Edhe Gramshi triumfoi në transfertë pasi mposhti Lushnjen me rezultatin e thellë 6-0.
Rezultatet e javës së 17-të në kampionatin “Abissnet Superiore“ për vajza:
Laçi – Partizani 0-10
Teuta – Skënderbeu 2-3
Lushnja – Gramshi 0-6
Apolonia – Vllaznia 0-0
Kinostudio – Tirana 0-4
