Moto Gp ka mbërritur në garën e gjashtë të vitit 2022, teksa bëhet fjalë për Çmimin e Madh të Spanjës në pistën e Herez. Të shtunën janë zhvilluar kualifikueset dhe piloti i Dukatit, Françesko Banjaja, ishte më i shpejtë, që do të thotë se do ta nisë i pari të dielën garën në pistën e Herez. Për 25-vjeçarin torinez bëhet fjalë për fitoren e shtatë në “Pole-Position” kjo në kategorinë e nivelit më të lartë të Moto GP-së, ndërsa ndodhet në sezonin e tij të parë mes më të mirëve të motoçiklizmit.
Pas shpinës së tij kampioni i botës në fuqi Kuartararo, që është piloti i Jamahas, dhe piloti i Aprilias, Aleiks Espargaro. Të tre së bashku plotësojnë radhën e parë të nisjes. Ndërkohë në vendin e katërt ishte piloti tjetër i Dukatit, australiani Xhek Miler. Mark Markez në vendin e pestë dhe në të gjashtin Johan Zarko. Bezeki ka zënë vendin e tetë, kurse Bastianini, i rrëzuar në kualifikueset e dyta, në vendin e njëmbëdhjetë.
Duke vijuar më tej me të tjerë pilotë italianë si Morbideli i gjashtëmbëdhjeti, Di Xhianantonio i shtatëmbëdhjeti, Marini i nëntëmbëdhjeti, Doviciozo i 23-ti dhe Savadori i 24-ti. Botërori i Moto GP kryesohet nga Kuartararo dhe Rins me 69 pikë e pas tyre Espargaro me 66 pikë.
NISJA
RADHA E PARË
1.Francesco Bagnaia (Ducati) 1.36.170
- Fabio Quartararo (Yamaha)
- Aleix Espargaro (Aprilia)
RADHA E DYTË
- Jack Miller (Ducati)
- Marc Marquez (Honda)
- Johann Zarco (Ducati)
RADHA E TRETË
- Takaaki Nakagami (Honda)
- Marco Bezzecchi (Ducati)
- Joan Mir (Suzuki)
RADHA E KATËRT
- Jorge Martin (Ducati)
- Enea Bastianini (Ducati)
- Maverick Vinales (Aprilia)
RADHA E PESTË
- Pol Espargaro (Honda)
- Alez Rins (Suzuki)
- Brad Binder (KTM)
RADHA E GJASHTË
- Franco Morbidelli (Yamaha)
- Fabio Di Giannantonio (Ducati)
- Remy Gardner (KTM)
RADHA E SHTATË
- Luca Marini (Ducati)
- Stefan Bradl (Honda)
- Miguel Oliveira (KTM)
RADHA E TETË
- Alex Marquez (Honda)
- Andrea Dovizioso (Yamaha)
- Lorenzo Savadori (Aprilia)
RADHA E NËNTË
- Darryn Binder (Yamaha)