Manchester City ka vendosur të nisë një betejë ligjore pasi apeloi 115 akuzat e ngritura nga Premier League për shkelje të pretenduara të rregullave ekonomike dhe financiare gjatë 9 sezoneve, nga 2009/10 deri në 2017/18.
Kështu raporton gazeta britanike The Times. City ka apeluar në lidhje me ndryshimet e fundit në rregullat e Premier League, duke argumentuar se ata nuk duhet të zbatohen për hetimet për shkeljet e supozuara të mëparshme dhe ata gjithashtu dyshohet se kundërshtuan përfshirjen e Murray Rosen, kreut të panelit të pavarur të gjyqtarëve të Premier League, si person që emëron kryetarin e komisionit disiplinor, duke vënë në dyshim paanshmërinë e tij si “partner i Arsenalit”.
Çështjet e ngritura nga City mund të çojnë në një vonesë të mëtejshme të rezultatit: ekspertët ligjorë besojnë se mund të kalojnë 2 deri në 4 vjet përpara se të përfundojë. Çdo mosmarrëveshje ligjore mes klubeve dhe ligës fillimisht duhet të kalojë nga një gjykatë arbitrazhi dhe më pas mund të shkojë në Gjykatën e Lartë dhe atë të Apelit.
Akuzat, nëse vërtetohen, mund të çojnë në dënime të ndryshme duke përfshirë një penalitet në renditje apo edhe përjashtim nga kampionati. Në rrezik do të ishin edhe titujt e fituar në periudhën përkatëse: tre Premier League, një FA Cup dhe tre Carabao Cup.
Ndër shkeljet për të cilat Manchester City është akuzuar përfshijnë: raportim të pasaktë financiar për nëntë sezone, nga 2009/10 deri në 2017/18; mungesa e bashkëpunimit për hetimin; mosdorëzimi i dokumenteve të kërkuara për pesë sezone, nga 2018-19 deri në 2022-23; kundërshtim për të dhënë detaje të plota të pagës së trajnerit Roberto Mancini gjatë katër sezoneve që ai ishte në klub, nga 2009 në 2013; kundërshtimi për të dhënë detaje të plota mbi pagën e lojtarëve për gjashtë sezone, 2010/11 deri në 2015/16.
