Fatkeqësia duket se i ka rënë portierit të Ganës, Joseph Wollacott. Mbrojtësi ekstrem 26-vjeçar i Black Stars dhe Charlton u përfshi në një incident gjatë stërvitjes me ekipin e tij kombëtar. Joseph, i njohur nga të gjithë si Jojo, mungoi në Kupën e Botës në Katar për shkak të një dëmtimi në gisht. Tani I ndodh një aksident i çuditshëm dhe i rrezikshëm, i cili mund të kishte pasoja shumë më të rënda.
Gana do të përballet me Angolën, në ndeshjet e vlefshme për kualifikimet për Kupën e Kombeve të Afrikës së ardhshme. Wollacott, pas mungesës së Kupës së Botës në Katar, u thirr nga trajneri i Ganës, Chris Hughton, si portieri titullar në ndeshjet e ardhshme të Black Stars. Gjatë stërvitjes, megjithatë, portieri u përfshi në një aksident të veçantë. Porta e lëvizshme, e pozicionuar në mesfushë, i ra, ndoshta e shtyrë nga era.
Traversa goditi këmbët e Wollacott, i cili përfundoi duke u rrëzuar në tokë nga dhimbjet. Menjëherë i ndihmuar nga bashkëlojtarët dhe stafi mjekësor, portieri më pas u largua nga fusha në këmbë, duke çaluar pak. Për fat të mirë nuk ka asgjë për t'u shqetësuar, një "dëmtim i indeve të buta të gishtit të madh të këmbës së djathtë". Ëollacott mund të shpresojë që së shpejti të kthehet në stërvitje me ekipin e tij kombëtar.
