Botërori 2022 i MotoGP do të vendoset vetëm në Valencia. Në përfundim të garës atje, kampioni do të vendoset midis Francesco Bagnaia e Fabio Quartararo, kur piloti italian i Ducatit është 23 pikë në favor të francezit të Yamahas, Por nëse këta dy pilotë janë të përqëndruar në fitimin e trofeut, ka edhe skuadra të tjera që mendojnë të mbledhin thërrimet e këtij kampionati të Moto GP. Bëhet fjalë për Hondën, që shpreson të sfumojë imazhin katastrofik, pas viteve të dominimit të diktuar kryesisht nga prania e një kampioni si Marc Marquez.
Në fakt, prezenca jo konstante e pilotit spanjollit në botërorin e Moto GP, këto dy vitet e fundit, ka zbuluar sesi prodhuesi japonez u ka ofruar pilotëve të tij një motor që nuk i përshtatej aspak emrit të tij, e duke u munduar të maskonte të metat e tij, me klasin e numrit 93 në telajo. Deri tani, në këtë botëror të 2022, Honda mbetet e vetmja skuadër që nuk ka marrë asnjë fitore.
Vendi i tretë i Pol Espargaro në debutim u duk si një rilindje për Hondën, por vetëm kaq. Honda e gjen veten edhe një herë në këmbët e Markezit, që kërkon podiumin e 140-të në një botëror, i cili do t’i siguronte vendin e pestë në renditjen e pilotëve me më shumë podiume në kategori të ndryshme, pas vetëm Valentino Rossi me (235), Giacomo Agostini (159), Dani Pedrosa (153) dhe Jorge Lorenzo (152).
