Lazio ka arritur të kualifikohet në raundin e 16 më të mirave në Champions League, pasi ka barazuar në ndeshjen e fundit 2-2 përballë Club Brugge, takim i vlefshëm për Grupin F. Një kualifikim me shumë drithërima për të besuarit e trajnerit Simone Inzaghi, të cilët në fundin e ndeshjes mund të ishin ndëshkuar, por u shpëtuan nga traversa. Skuadra italiane arriti të shënojë e para në këtë sfidë me anë të Correa 12’, por vetëm tre minuta më vonë Vormer vendosi barazpeshën pas një pasigurie të portierit Reina. Immobile në minutën e 27-të dërgoi Lazio-n në avantazh nga pika e 11-metërshit, por në minutën e 76-të, pavarësisht inferioritetit numerik(karton i kuq për Sobol) Vanaken ka arritur të vendosë barazpeshën. Në fundin e takimit, një sulm i rrufeshëm i Brugge është ndalur vetëm nga traversa, që ka shpëtuar për mrekulli skuadrën e Lazio-s, që me këtë barazim ka siguruar kualifikimin si e dyta e grupit, ndërsa Club Brugge do të vazhdojë në Europa League.
Në sfidën tjetër të këtij grupi, Dortmund ka marrë një fitore 2-1 në fushën e Zenit, duke blinduar vendin e parë. Vendasit kanë kaluar të parët në avantazh me anë të Driussi 16’. Skuadra gjermane ka arritur të përmbysë në pjesën e dytë me anë të Piszczek 68’ dhe Witsel 78’. Dortmundi vazhdon për më tej si e para e grupit, ndërsa Zenit ndalet këtu.
RENDITJA/GRUPI F
# |
Skuadrat |
Nd. |
F |
B |
H |
G.SH |
G.P |
+/- |
P |
1 |
6 |
4 |
1 |
1 |
12 |
5 |
+7 |
13 |
|
2 |
6 |
2 |
4 |
0 |
11 |
7 |
+4 |
10 |
|
3 |
6 |
2 |
2 |
2 |
8 |
10 |
-2 |
8 |
|
4 |
6 |
0 |
1 |
5 |
4 |
13 |
-9 |
1 |