FSHF njofton se derbi i kryeqytetit do të nisë në orën 14:00. Shkak është bërë trafiku si dhe disa arsye logjistike. Ndeshja do të transmetohet drejtpërdrejt në RTSH Sport.
Departamenti i Garave në FSHF njofton se ndeshja derbi Partizani – Tirana do të nisë në orën 14:00 dhe jo në 13:30 siç ishte planifikuar fillimisht.
Ky ndryshim është bërë për arsye logjistike dhe për të lehtësuar lëvizjen në zonën e stadiumit, duke u mundësuar tifozëve të mbërrijnë në kohë në “Arenën e Demave”.
